Gutxi barru dator ekainaren 8a, Ozeanoen Nazioarteko Eguna, eta, beraz, gutxi geratzen da egun horretako ospakizunetan herritarrei erakusteko Euskal Herriak ingurumenaren eta ozeanoen arloan izan dituen aurrerapen zientifikoak.
Hamabost egun izango ditugu ingurumenaren arloko gaiak zabaltzeko eta horren inguruan kontzientzia hartzeko, hori guztia gure egunerokoan ezarriz gutariko bakoitzak eta guztion artean ingurumenaren eta ozeanoen kontserbaziorako eta hobekuntzarako dugun erantzukizunari buruzko hausnarketa egin dezagun, ingurumenaren eta ozeanoen osasunaren menpe dago-eta gure herrien ongizatea eta gure zibilizazioaren garapen ekonomikoa.
Jarduera hauek egingo ditugu:
“ITSASO BETE ZIENTZIA” LEHIAKETA
Lehiaketa Ozeanoen Egunean egingo da.
Lehiaketan izena emateko eta parte hartzeko informazioa:
- Nori zuzendua: Lehen Hezkuntzako laugarren, bosgarren eta seigarren mailako ikasleak eta Bigarren Hezkuntzako lehenengo eta bigarren mailakoak.
- Parte hartzeko azken eguna: maiatzaren 31a
- Sari banaketa: ekainaren 8an
SARI BANAKETA
Sariak ekainaren 8an banatuko dira, arratsaldeko 17:30etan, Irungo Bioterra azokan.
Ikasle, irakasle eta familien zain gaude!
PROPOSAMEN IRABAZLEAK 2024
Lehen hezkuntza
- Lehen saria:
Ikastetxea: Unamunzaga eskola (LH6B) Ribabellosa (Araba)
Lan saritua: Ozeanoak zaintzearen garrantzia
Bideoa (mp4) - Bigarren saria:
Ikastetxea: Unamunzaga eskola (LH6A) Ribabellosa (Araba)
Lan saritua: Ahatearen aldarrikapena
Lana (pdf)
Bigarren hezkuntza
JAKINTZA AZOKA
Kontuz! Ez nazazu zapaldu! Universidad del País Vasco-Euskal Herriko Unibertsitateko Plentziako Itsas Estazioko (PIE-UPV/EHU) ikertzaile talde batek bultzatutako proiektua da, helburu daukana parte hartzaileak euskal kostaldera hurbiltzea, eta arreta jartzea eskala mikroskopiko bioaniztasunean eta aniztasun hori arriskuan jartzen duten agenteetan (adibidez, plastikoek eragindako kutsadura). Herritarrentzako STEAM proiektuak aukera ematen digu euskal kostaldeari buruz daukagun ezagutza zabaltzeko eta hartara helburua nagusia lortzeko: gure hondartzek ingurugirorako duten garrantziaz jabetzea. Parte hartzaileek laginak hartzen dituzte hondartzetan, eta talde bakoitzaren arabera erabiliko diren prozedura zientifikoen bidez, meiofaunaren, planktonaren eta mikroalgen talderik esanguratsuenak bilatzen dira, bai eta seguruenik ere laginetan agertuko diren mikroplastikoak ere.
Proiektu honek finantziazioa lortu du Zientzia eta Teknologiarako Espainiako Fundazioak (FECYTek) kultura zientifikoa, teknologikoa eta berrikuntza sustatzeko diru-laguntzen 2022ko deialdian (erref.: FCT-22-18721), bai eta UPV/EHUko Ikerketa Gizartean Zabaltzeko Zuzendaritzaren bidez ere.
Ekainaren 7an EZAGUTZAREN AZOKA egingo da. Parte hartzaileek proiektuan lortutako emaitzak azalduko dituzte eta besteek lortutako emaitzen berri izango dute.
- 9:30-10:00: Izen-ematea. Bizkaia Aretoa
- 10:00-10:10: Ongi etorria
- 10:10-10:20: CIMASUB-en film laburraren proiekzioa
- 10:20-10:50: Cecilia Teodora Satta (Sardiniatik) ikertzaile gonbidatuaren dibulgazio-hitzaldia “Phytoplankton: the microscopic ‘engine’ of oceans”
- 10:50-11:00: CIMASUB-en film laburraren proiekzioa
- 11:00-11:30: “Sexo al mar” hitzaldia, Plàncton, Divulgació i Serveis Marins elkartea
- 11:30-11:50: Ordezkari akademikoen agurra
- 11:50-12:00: Sari-banaketa
- 12:00-14:00: Zuek egindako poster erakusketara bisita. Ekainaren 10era arte egongo da ikusgai.
Bizkaia Aretoan (UPV/EHU) (Etxepare eta Axular aretoetan) talde lanen poster erakusketa publiko guztiarentzat zabalik egongo da maiatzaren 27tik ekainaren 10era bitartean.